မြန်မာ့ရှေးဟောင်းအမွေအနှစ်ပစ္စည်းတွေ အကြောင်းအမျိုးကြောင့်တွေ့ရှိပြီး ရှေးဟောင်း သုတေသန၊ အမျိုးသားပြတိုက်နှင့်စာကြည့်တိုက်ဦးစီးဌာနကို လာရောက်အပ်နှံပါက ပစ္စည်းရဲ့ မူလ တန်ဘိုးအပေါ် လက်ရာတန်ဘိုး၊ ခေတ်ကာလတန်ဘိုးတွေ ထပ်ဆောင်းပြီး ဂုဏ်ပြုဆုကြေးငွေ ချီးမြှင့်နေကြောင်း သိရှိရပါသည်။
၁၇-၅-၂၀၁၂ ရက်နေ့က ပျူခေတ်လက်ရာ နယားခေါင်းပုံ ရွှေလက်ကြပ်တစ်ခုကို မကွေးတိုင်း ဒေသကြီး၊ မင်းဘူး(စကု)မြို့နယ်၊ လက်ခုပ်ပင်ကျေးရွာ အနောက်မြောက်ဘက် အိုင်းမဆည်ရေသောက် မြောင်းမကြီး မြောက်ဘက်၊ လယ်ကွင်းအတွင်း မြန်မာ-တရုတ် ရေနံနှင့် သဘာဝဓာတ်ငွေ့ပိုက်လိုင်း စီမံကိန်း မြေခဲများအတွင်းမှ တွေ့ရှိခဲ့လို့ ရှေးဟောင်းသုတေသန၊ အမျိုးသားပြတိုက်နှင့်စာကြည့်တိုက် ဦးစီးဌာနကို လာရောက်အပ်နှံခဲ့ပါတယ် ။ လာရောက် အပ်နှံသူကတော့ မကေသဇင်ကျော်ဖြစ်ပါတယ် ။ လာရောက်အပ်နှံတဲ့ ပျူခေတ်ရှားပါးလက်ရာဖြစ်ပါတယ် ။ ပျူလူမျိုးတို့ရဲ့ ပန်းတိမ်လက်ရာ အဆင့်အတန်း မြင့်မားမှု ၊ တဖက်ကမ်းခတ် တက်မြောက်မှုကြောင့် တမူထူးခြားသောဟန်ရှိသည့် ခေတ်ဟု သတ်မှတ်ရ နိုင်ပါတယ် ။ အဲဒီပျူခေတ်က ပြုလုပ်တဲ့ ရှေးဟောင်းပစ္စည်းတွေ တွေ့ရှိ ခန့်မှန်းချက်အရ ရွှေနန်းဆွဲခြင်း ပညာကို ကောင်းစွာကျွမ်းကျင် တတ်မြောက်ပြီး ရွှေနဲ့ ဆင်ရုပ်၊ ငှက်ရုပ်၊ နွားရုပ်၊ နယားရုပ်စသည့်ဖြင့် အသေးဆုံးရုပ်လုံးငယ်လေးတွေကိုလည်း သရုပ်ဖော်နိုင်ကြောင်း သိရှိရပါတယ် ..။
အဲဒီ ပျူခေတ် နယားလက်ကောက်(အလေးချိန် ၁၆ ကျပ်၊ ၆ ပဲ၊ ၄ ရွေးကျော်) ကို လာရောက် အပ်နှံတဲ့အတွက် ယဉ်ကျေးမှုဝန်ကြီးဌာန၊ ရှေးဟောင်းသုတေသန၊ အမျိုးသားပြတိုက်နှင့် စာကြည့် တိုက်ဦးစီးဌာနက အပ်နှံသူကို ဆုကြေးငွေ ကျပ် ၂၇၇၁၈၃၉၂ တိတိ ဆုချီးမြှင့်ခဲ့ပါတယ်။
ဆုကြေးငွေရရှိသွားတဲ့အတွက် ၀မ်းမြောက်ဝမ်းသာဖြစ်သလို တာဝန်သိတဲ့စိတ်နဲ့ လာရောက် အပ်နှံတဲ့အတွက် ပိုပြီးဝမ်းမြောက်ရပါတယ်ဗျ … ၂၀၁၀ ခုနှစ်တုန်းကလည်း ပျူခေတ် နွားလားဥဿဖ ပုံ ရွှေလက်စွပ်(အလေးချိန် ၆ ကျပ်၊ ၆ပဲ၊ ၂ ရွှေး၊ ၁ခြမ်း)တစ်ကွင်းလာရောက်အပ်နှံတဲ့အတွက် ဆုကြေးငွေကျပ် ၉၉၄၄၀၈၇ ကျပ် ချီးမြှင့်ခဲ့ပါတယ် … မကြာမကြာ ပြည်သူလူထုတွေက လာရောက် အပ်နှံပြီး ဆုကြေးငွေတွေ ချီးမမြှင့်ပေးအပ်လျှက်ရှိတာကိုလည်း သိခဲ့ရပါတယ်။
ရှေးဟောင်းသုတေသန၊ အမျိုးသားပြတိုက်နှင့်စာကြည့်တိုက်ဦးစီးဌာနအနေနဲ့ အဲဒီလို အကြောင်းအမျိုးမျိုးကြောင့် ရရှိခဲ့ကြတဲ့ ရှေးဟောင်းပစ္စည်းတွေကို လာရောက်အပ်နှံရင် လက်ရာစိစစ် ပညာရှင်များနဲ့ စိစစ်လက်ခံတွက်ချက်ပြီး ထိုက်တန်တဲ့ဆုကြေးငွေတွေ ချီးမြှင့်ပေးအပ်ခြင်းဖြင့် စုဆောင်းထိန်းသိမ်းကာ ပြတိုက်ကြီးတွေမှာ အများပြည်သူလေ့လာကြည့်ရှုနိုင်ဖို့ ထိန်းသိမ်းပြသ ဆောင်ရွက်လျက်ရှိတာကို သိရှိရပါတယ်။
အကြောင်းအမျိုးမျိုးကြောင့်တွေ့ရှိတဲ့ ရှေးဟောင်းပစ္စည်းတွေကို ရှေးဟောင်းသုတေသန၊ အမျိုးသားပြတိုက်နှင့် စာကြည့်တိုက်ဦးစီးဌာန၊ ပြည်နယ်တိုင်းဒေသကြီးတွေမှာရှိတဲ့ ဌာနခွဲတွေမှာလည်း ဆက်သွယ် အပ်နှံနိုင်တဲ့အကြောင်းကိုလည်း သိရပါတယ်။
Myanmar News Now
No comments:
Post a Comment